Í Hlíð eru 16 börn á aldrinum eins til tveggja ára.

Að læra að leika
Mikil áhersla er lögð á námsumhverfi barnanna, það er að aðgangur að leikföngum sé auðveldur fyrir börnin, að þau geti gengið í þau sjálf því það þroskar snemma með þeim hæfni og kunnáttu til að velja það sem þau hafa áhuga á og leggur grunnin að því að leika við aðra.
Frjáls leikur er mikilvægur í leikskólastarfi. Börnin læra gegnum leik og gleðin verður að vera þar samferða. Kennarinn er nálægur í leik barna og er til aðstoðar. Unnið er með samskipti/vináttu og passað uppá að allir séu virkir og fái að njóta sín.

Hópastarf
Í hópastarfi er börnunum skipt í minni hópa. Þar sem skipulagt starf er unnið í hópum þrjá daga vikunnar og ber þar að nefna , könnunarleik, fínhreyfingar,málörvun,listsköpun,ljós og skugga,vatnsleiki og útiveru.
Lubbi finnur málbein/málörvun
Á deildinni er unnið með Lubbi finnur málbein sem er námsefni fyrir börn og er ætlað að kenna íslensk málhljóð þar sem táknrænar hreyfingar eru notaðar fyrir hvert málhljóð sem gerir það sýnilegt og áþreifanlegt fyrir barnið.Hægt er að kynna sér Lubbaverkefnið hér: http://www.lubbi.is/index.php
Samverustund
Markmiðið er að njóta þess að vera saman í hóp og skemmta sér saman. Börnin læra að sitja, hlusta og taka tillit til hvers annars .Þau hlusta á sögur,læra söngva, þulur og fleira.
Þau læra jafnframt að koma fram og að tjá sig.

Útivera Lögð er áhersla á útiveru í leikskólastarfinu. Útivera eykur þol og hreysti barnanna og minnkar streitu.

Könnunarleikur
Í könnunarleiknum fá börnin tækifæri til að örva öll skynfærin,rannsaka og uppgötva eiginleika hluta og æfa notkun orða og hluta. Leikurinn er á forsendum barnanna . Kennarinn er til stuðnings fyrir börnin
Ljós og skuggi
Í leiknum upplifa börnin sinn eigin skugga og kanna eðli ljóssins.
Skjávarpinn er einnig mikið notaður í könnunarleiknum,kassaleiknum og í frjálsum leik.